O RaY PiYaa.... (A True Love Story)

Lazawal mohabbat ki daastano me se ak daastaan.. mohabbat ak jazba he.. ak aisa jazba jo agar apni intiha ko pohunch jaye to insaan k liye kuch bhi kar guzarna mushkil nahi hota.. Zidd, zid bhi ak jazba he ak aisa jazba jo agar apni intiha ko pohunch jaye to insaan apni mohabbat ki bhi parwah nahi karta.. or jab insaan in dono jazbaat ko dil me basa kar jee raha ho to aisa bhi kar sakta he...

KESA??? Ye to aap ko is kahani k parhne k baad hi pata chalay ga.. parhiye purjoosh mohabbat or junoon ki had tak chooti zidd me doobi ak larki ki daastan jo apne piyaar ko paane k liye kuch bhi kar sakti thi.. KUCH BHI....

''Mudassir.. mudassir.. uth ja beta tjhe interview k liye jana he'' mudassir ki ammi ne usay usay do baar baazu se hila hila kar uthatay howe kaha

''sone do na ammi raat dair se soya tha abhi utha jaon ga'' mudassir ne apna kambal mu tak orhtay howe kaha

''beta interview k liye jana he tjhe'' mudassir ki ammi ne uske opar se kambal khenchte howe kaha ''chalo uth jao warna baad me mjhe kaho ge mene uthaya kyun nahi''

''ammi interview 10 baje he or abhi to 8 hi baje hen sone do na'' mudassir ne phir bahana banana chaha ''abhi uth jaon ga na aadhe ghante me''

''nahi.. nahi koi bahane baazi nahi chalo utho shabash'' is baar mudassir ki ammi ne usay hath se pakar kar pori taqat se uthate howe kaha

''ooo ammi aap se to me kabhi nahi jeet sakta'' mudassir ne uth kar ak zoordaar angraai lete howe kaha ''ye len uth gaya bus''

''thek he ab tu mu haath dhoo le me tere liye nashta bana deti hu'' mudassir ki ammi ne uska kambal teh karte howe kaha

''okay ammi jaan'' mudassir ne jawab diya

''shabash mera bacha'' uski ammi ne piyar or muskurahat k saath uske sar pe apna haath phera or kambal ko baghal me daba kar kamre se bahar nikal gain

mudassir ne ak or angaraai li or phir peeche ghoom kar apne takiye ko palat kar uske neeche se mobile nikala or phir takiye ko deewar k saath rakh kar uske saath take laga kar beth gaya or apna mobile check karne laga.. apne mobile par koi bhi msg ya missed call ko na pa kar wo ak lamhe k liye pareshani ko chehre par saja kar kuch sochne laga shayad usay tawaqqa thi k koi khaas msg ya missed call uske mobile uski muntazir hogi.. khair kuch lamhe yu hi sochne k baad wo utha or mobile ko jaib me daal kar sehan me aagaya sehan se hote howe bathroom chala gay..

mudassir ak middle class famly se taaluq rakhta tha uski familye me uske maa memoona begum , baap khalid nizami , ak bara bhai mohsin or ak choti behen aaiza shamil the.. papa ak private idaare me job karte the or 1 saal pehle hi unhe retire kar diya gaya tha wese to agar wo kisi govt idaare me hote to chand saal mazeed job kar sakte the lekin jis idaare me wo job karte the wahan 45 saal se zaayid umar k workers ko kisi bhi waqt retire kar diya jata tha lekin unki company ka jo owner tha wo kaafi naik dil insaan tha or uska apne karobaar k ilawa ak wellfair trust bhi tha.. or wo apne retire ho jane wale workers ko pansion ki soorat me har mahine unki aadhi salry diya karta tha is tarah mudassir k walid ko bhi har mahine 9 hazar rupay mil jate the.. uske ilawa mudassir k walid ne retirment se kuch mahine pehle hi apni company se apne bete mohsin k karoobar k liye loan pass karwaya tha jis ki madad se mohsin ne ak hard wear ki dukaan kholi thi lekin dukaan ziyada gunjaan abaad ilaaqay me na hone ki waja se ziyada nahi par mohsin ko itni aamdani ho jati thi k wo loan ki mahana intallment bhi de diya karta tha.. ghar k kharch k liye bhi raqam apne papa ko de deta tha or kuch pese bacha bhi leta tha..

mudassir ka ghar korangi me tha.. unka ghar 3 manzilon par mushtamil tha jahan mudassir or uski family pichlay 10 saal se is ghar me kiraye par rehte the.. ye ak 80 squar gaz ruqbe par mustamil ghar tha jiski 3 manzilen thi pehli manzil par mudassir ki family rehaaish pazeer thi jab k baaqi opar ki do manzilon par dosre kirayedaar rehte the.. mudassir k ghar me dakhil hote hi darwaze k ulte haath par bathroom tha jab k uske baad ak kaafi bara sehan the jis me ak taraf chaapayi bichi thi jabke ak taraf kitchen tha jab k ghar k piche ki taraf do kamre the jis me ak kamre me memona begum or aaiza soti thi jab k dosre kamre me mohsin or mudassir sote the or mudassir k papa bahar sehan me bichi chaarpayi par sote the..

mudassir k papa kam goo or shareef tabiyat k malik the or jab wo job karte the tab bhi wo sirf apni duty timing k waqt hi ghar se bahar hote the warna unka ziyada waqt ghar par hi guzarta tha jab k retirment k baad ab unhone ak sabzi ka thela lagana shuru kar diya he jiski waja se ab unka ziyada waqt ghar k pas waqay sabzi market me guzarta he.. jab k mudassir k ammi ak suljhi hoi gharelo khatoon thi 5 waqt namaz k sath sath wo har nafli ibadat bhi karti thi or iske ilawa apne bacho or shohar ka bhi koi farz nibhana nahi bhoolti thi.. mudassir ki chooti behan aaiza bohot khobsorat or zaheen larki thi is waqt wo b.a me parh rahi thi jab k uski pori student life me wo hamesha class me 1st position leti aarhi thi lekin ab b.a k papers k baad uski shaadi mudassir k mamu k bete aadil se h jani thi.. mudassir bhi bohot khobsorat tha lamba qad , dohra badan , goori rangat or dilfraib naqoosh kisi ko bhi uski janib khench lene k liye kaafi thi uske ilawa uske baat karne ka andaaz usay mazeed tawajja k qabil bana deta tha.. mudassir k bar'aks mohsin ziyada khobsorat nahi tha wese to wo bhi mudassir ki tarah lamba or dohray badan ka malik tha lekin sanwli rangat or chehre k wajibi se naqoosh ki waja se wo mudassir k bar'aks kam tar samjha jata tha jab k taleem hasil na karne ki waja se usko ikhlaqi toor par bhi ziyada bartari hasil nahi thi..

mudassir ne m.a kiya howa tha jab k sahafat ka shoq rakhne ki waja se usne mass communication bhi kar liya tha or ab wo interview k liye mukhtalif akhbarat or news channles k chakar kaat raha tha lekin abhi tak usay kahin bhi job nahi mil saki thi.. aaj bhi mudassir ak mash'hoor akhbaar k daftar me interview dene k liye jarha tha..

mudassir ka khandan intihai mukhtasir tha.. ammi ki taraf se sirf ak mamu ikram ahmed , unki biwi robeena or ak beta aadil tha jab k papa ki taraf se ak phopho ayesha , unke shohar irshad , ak beta ahram , jab k bete se bari ak beti zainab thi jiske saath mudassir ka dil lag chuka tha lekin ye baat mudassir ne aaj tak zainab se nahi kahi thi.. dono me khasi dosti thi or aksar dono mobile par msg ya call par ak dosre se baat karte the lekin mudassir ki kabhi himmat nahi hoi thi k zainab se wo apne dil ki baat kar sake.. kal raat bhi wo zainab se hi baat karha tha lekin zainab ki ak baat ne uske pairon tale se zameen khench li thi.. zainab ne usay bataya k uske papa k ak dost ne apne bete k liye zainab ka haath manga he or papa ne is rishte ko qubool karne ya na karne ka pora faisla zainab ko de diya he.. ye kal raat in k darmiyan hone wali baat ka aakhri msg tha uske baad mudassir gehri socch me giraftaar ho gaya tha or sochte sochte hi neend ki wadiyon me chala gaya tha..

''nikal jaaa bhaai mjhe dair ho rahi he'' mohsin ne bathroo ka darwaza zoor zoor se bajate howe kaha

''haan bhaai bus aarha hu'' mudassir ne andar se hi jawab diya

''yaar mere baad chala jaiyo bhaai abhi mjhe jane de mjhe dukan kholni he yaar'' mohsin ne phir darwaza bajate howe kaha

''bhai bus nikal raha hu mu dhoo raha hu'' mudassir ne phir andar se hi kaha

''kia baat he beta kyun shor macha rahe ho???'' memoona begum ne kitchen se nikalte howe kaha

''dekho na ammi mjhe dukan jana he or bathroom me chala gaya'' mohsin ne sehan me jate howe apni ammi ko safaai paish karte howe kaha ''isay jab pata he mjhe dukan jana hota he to baad me nahi ja sakta tha''

''aray beta interview k liye jana he usay is liye mene hi usay bheja tha k tm agar uth jao ge to tm chale jao ge'' memoona begum ne kaha

''kia.. interview k liye jana he usay??'' mohsin ne sochte sochte kaha or chaarpayi par beth gaya ''thek he phir usay taiyar hone do thek se''

''haan...'' memoona begum ne kaha or wapas kitchen me chali gain

''lo bhai aa gaya me'' mudassir kandhe pe toliya daalta howa sehan me dakhil howa or phir mohsin utha kar bathroom ki taraf chala gaya

mudassir kamre me aaya or almari khool k ak sky blue shirt or ak black dress paint nikal kar pehan li.. phir almari se ak tie nilkali or gale me daal kar sheeshe k saamne agaya usne achi tarah tie baandhi or phir baalon ko set kar k bahar agaya..

''ammi.......'' usne chaarpayi par bethte howe kaha ''mera nashta ban gaya''

''haan beta bus la rahi hu'' memoona begum ne kitchen k andar se hi jawab diya

''ammi mera nashta bhi le aana'' mohsin ne bathroom se sehan me aate howe kaha or charpayie par mudasssir k samne aa kar beth gaya

''acha beta tmhara bhi le aaon gi'' memona begum ne kitchen se hi kaha

''ye lo agaya nashta'' memoona begum ne naashte ki tokri lakar charpayi par dono bhaiyon k beech me charpayi par rakh di or phir dorti howi wapas kitchen me chali gain or agle hi lamhe ak tray me chai k 3 cupp saja kar bahar nikli or usay bhi charpayi par la kar rakh diya or mudassir k barabar me beth gain or 3no maa bete nashta karne me masroof ho gaye..

''ammi aaiza so rahi he kia ab tak'' mohsin ne niwala mu me rakhte howe kaha

''haan beta aaj uska college me koi test he to raat dair tak parhai karhi thi'' memoona begum ne jawab diya

''or papa kahan hen'' mudassir ne pocha

''haan ammi papa kahan hen'' mohsin ne bhi yahi sawal kiya ''aaj to market band hogi na?''

''wo to bijli ka bill bharne gaye hen'' memoona begum ne kaha or phir kuch sochte howe boli ''lekin kafi dair ho gai ab tak to unhe ajana chahiye tha''

''ammi jaan aap fikar na karo papa ajaen ge'' mudassir ne maa ko kandhe se pakar kar dabate howe kaha

''haan ammi bill ki akhri tareekhen chal rahi hen na to rash bohot he aaj kal'' mohsin ne bhi maa ki fikar door karte howe kaha ''ajaen ge papa''

''haan beta mjhe allah pe bharosa he'' memoona begum ne kaha or niwala mu me rakh liya

''mudassir aaj tera interview he???" mohsin ne mudassir ki taraf mukhatib hote howe kaha

''haan bhai.. bari mushkil se inter view k liye baat ki he kisi se'' mudassir ne kaha

''acha kaha par??'' mohsin ne pocha

''suchai naam ka koi akhbaar he bhai liaquat abad me wahan jana he'' mudassir ne paani peeete howe kaha

''ye liye ye rakh le zarorat par sakti he tjhe'' mohsin ne jaib se ak 1000 ka note mudassr ki taraf barhate howe kaha

''thek he bhai shukriya'' mudassir ne tray se ak chai ka cup uthate howe kaha

''koi baat nahi yaar tu apna jigar he'' mohsin ne aage barh ke uske kandhe par ak thapki maari or chai ka cup uthate howe kaha ''or sun andar mere takiye k paas bike ki chaabi pari he wo utha liyo bike pe chale jana''

''lekin bhai aap ko bhi to dukaan jana he na'' mudassir khush ho gaya tha lekin chote bhai ka farz nibhane k liye uske mu se ye baat nikal gai

''meri fikar mat kar me rakshay me chala jaon ga bike tu leja'' mohsin ne muskurate howe kaha

nashte se farigh ho kar mohsin apni dukan k liye nikal gaya or memoona begum apne kaamo me masroof ho gain.. sawa 9 baje mudassir ne bike ghar se bahar nikali kick maari or interview k liye nikal gaya..

READING NEXT PART...

MOHAMMAD KASHAN ANSARI.......