O RaY PiYaa... (LOVING EPISODE.. MUST READ) Part 4

zainab k ghar me is waqt sub log khane se farigh ho kar drawing room me bethe the..

''zainab... tm ne bataya nahi beta ab tak??'' irshad sahab ne samne sofe par bethi apni beti ko mukhatib karte howe kaha

''kia nahi bataya papa??" zainab ne pocha

''aray bhai rishte ka nahi bataya ab tak'' irshad sahab ne khulasa paish kiya ''beta wo rooz mjhse pochte hen ab batao me kia bolon unhe??''

''papa woo.. mai..'' zainab ne atakte howe kaha

''kia wo mai zainab??'' aayesha begum ne kaha ''jo kehna he saaf saaf kaho''

''haan beta bolo.. ghabrao nahi'' khalid sahab ab zainab k barabar me sofe par aa kar beth gaye or zainab k kandhe par haath rakhte howe kaha ''beta tm jo faisla karogi hame manzoor hoga.. bila jhajak keh do''

''woo papa me abhi shadi karna nahi chahti'' zainab ne sar jhuka kar atakte atakte jawab diya

''koi baat nahi beta hum time maanf lenge unse 3 , 4 saal ka'' irshad sahab ne kaha

''nahi papa..... mera matlab me us larke se shadi karna nahi chahti'' zainab ne darte darte apni baat keh di

''kyun kisi or ko pasand karti ho kia??'' aayesha begum ne zainab k dil ki baat keh di thi kyun k haqiqat to yahi thi k mudassir ne uske dil me jaga bana li thi

''nahi mama aisi koi baat nahi he'' zainab aayesha begum ki baat sun kar chonk gai thi or jaldi me usne unki tardeed kar di

''phir kia baat he beta daro nahi saaf saaf keh do'' irshad sahab ne shafqat se uske sar pe haath phairte howe kaha ''acha larka to he.. shakal sorat ka bhi or aadaton ka bhi''

''ji papa par mjhe wo acha nahi lagta..'' zainab ne kaha or phir irshad sahab ka haath apne haatho me lekar bilkul masoom soorat bana kar unhe dekh kar kaha ''papa kia me itni buri ho gai hu k ab aap mjhe shadi kar k is ghar se door kar dena chahte hen..??''

''aray nahi mera betaa.. aisa kyun keh rahi ho..'' irshad sahab ne beti ko seene se laga kar kaha ''thek he ab jab tm chaho gi or jis se chaho gi usi se hogi tmhari shadi.. bus khush???''

''bohot ziyada.... i love you papa'' zainab ne kaha or choti bachi ki tarah apne papa se lipat gai.... kuch dair papa k seene se lage rehne k baad zainab ne alag ho kar kaha ''acha papa kal aap mjhe mamu k ghar chor dijiye ga 1, 2 din k liye''

''kyun wahan kyun jana he tmhe???'' aayesha begum ne sawal kiya

''mama aaiza ne bulaya tha kal msg kar k'' zainab ne jhooti waja bayan ki

''acha... wo khud nahi aa sakti he kia??" aayesha bagum ne kaha

''mama mera bhi dil karha he na jane ka..'' zainab ab uth kar aayesha begum wale sofe par aa gai or unke gale me haath daal kar kaha ''kaafi din ho gaye mamu or mumani se bhi mulaqat nahi hoi he please jane do na''

aayesha begum ne beti ko ak nazar piyar or ghusse ki mili juli kefiyat se dekha phir zainab ki masoom si sorat dekh kar be'ikhtiyar hanste howe kaha ''thek he baba chali jana bus.. lekin sirf 3 din okay? itwaar ko wapas...''

''okay mama...'' zainab ne kaha phir apne papa se mukhatib ho kar kaha ''papa aap chor denge na???''

''nahi beta kal to mjhe custom office jana he me subah 5 baje nikal jaon ga..'' irshad sahab ne kaha ''lekin tm universty se chali jana or kuch pese le lena mama se''

''okay papa... thank you..'' zainab se sofe se uth'te howe kaha ''acha mama me sone jarhi hu ab room me''

''okay beta jaoo.. good nigth'' aayesha begum ne khare ho kar beti k maathe par boosa lete howe kaha

''good night mama..'' zainab ne aayesha begum ko ahista se gale laga kar kaha or phir peeche murh kar papa ko good night kehti hoi apne kamre me aa gai....

kamre me aa kar zainab ne apna mobile charge par se nikala or phir se ak baar mudassir ka number try karne lagi par number dobara swithched off paa kar zainab k chehre par udaasi k aasaar numaya hone lage.. usne phir se number try kiya par dobara usay number off mila is baar usne ghusse me mobile bad par patakh diya or khud bhi bad par gir gai or sochne lagi.. usay sub se ziyada tension is baat ki thi k ghusse me aa kar kahin mudassir khud ko koi nuqsan na ponhcha le yahi sochte sochte uski aankho se aanso rawaan ho gaye lekin aglay hi lamhe usay kuch yaad aaya or usne mobile utha kar aaiza ka number dial kar diya....

zainab k papa ki maali haalat khalid sahab se bohot behtar thi.. nazimabad me unka apna 2 manzilon par mushtamil ghar tha jis ki pehle manzil par wo log khud rehte the jab k dosri manzil unhone kiraaye par de rakhi thi or wahan se jo bhi kiraya milta tha wo sub zainab or ahram ko pocket money ki sorat me de diya jata tha jab k ghar ka pora kharch irshaad sahab apni monthly income se chalate the balke aayesha begum ko bhi apni sallry se kharcha dete the uske bawajood wo kuch pese bacha lete the.. zainab apne ghar k jis portion me rehti thi usme 3 kamre the jab k kamron k beech me ak choota sa drawing room tha.. irshad sahab ne apne dono bachon ko alag alag room de rakha tha or unka apna khud ka room bhi alag tha..
irshad sahab ak multi national company me office job karte the or zainab ye bhi janti thi k uske papa mudassir ko jobless hone ki waja se sakht na pasand karte hen.. wese to jobless hona koi ghalat baat nahi he kyun k aaj kal job milna aasan kaam nahi lekin wo khud kayi baar apni company me mudassir ko job dilwane ka keh chuke the par mudassir k upar sirf ak hi dhun sawaar thi or wo he sahafat...
is liye irshad sahab ne usay kaam choor ka naam de rakha tha.. zainab ko pata tha k mudassir k saath uska rishta hona bohot mushkil kaam he lekin phir bhii na jane kyun usne mudassir k qareeb jane ka faisla kar liya tha.........



                            **********************

memoona begum , aaiza or mudassir memoona begum wale kamre me beth kar t.v par koi programe dekh rahe the k achanak t.v trolly me rakhe aaiza k mobile ki ring bajne lagi...

''is waqt kis ki call hogi'' aaiza ne uth'te howe kaha

''wahi hoga police waala..'' mudassir ne aaiza ki taraf shararat se dekhte howe kaha ''or kon pagal tjhe itni raat me call kare ga...''

''ab dekh.. tu bhi to tang karta he na usay..'' memoona begum ne mudassir ki taraf dekhte howe kaha ''or jab wo kuch bolti he to teri hat jati he''

aaiza ne ak nazar ghusse se mudassir ko dekha or shut upp kehti howi trolly k pass mobile lene chali gai.. mobile screen par nazar parte hi aaiza bhaagi hoi mudassir k paas aai or mobile bilkul uski aankho k qareeb karte howe kaha ''ye dekhhhh.... ye police waala nahi he teri doost he... bewaqof itni raat me pata nahi kyun call karhi he..''

mudassir ne moblie dekha to waqai zainab ki call aa rahi thi.. mudassir ko andaza howa k shayad usne mudassir ki khabar lene k liye hi call ki hogi par usne anjaan bante howe kaha... ''zainab ki call... par ye itni raat me kyun call karhi he..''

''hello...'' aaiza ne mobile kaan se lagate howe kaha

''hello... aaiza kesi ho tm??'' zainab ne dosri taraf pocha

''mai thek hu tm sunao kesi ho?? or aaj aapko hamari yaad kese aa gai??'' aaiza ne kaha

''me bhi thek hu yaar.. bus dil karha tha baat karne ka to call kar li'' zainab ne phir tanziya lehje me kaha ''kam se kam mene yaad to kar liya.. tjhse to yaad karne ki bhi ummeed nahi kar sakte''

''aisi baat nahi he yaar bus time nahi milta'' aaiza ne kaha

''hmmmm... time kahan mile ga.. adil se fursat mile gi to cousin yaad aaye gi na tjhe...'' zainab ne phir tanz kiya

''acha ye bata kia tu ne mjhe tanz karne k liye phone kiya he??'' aaiza ne mamooli ghusse ka izhaar karte howe kaha

''nahi nahi yaar naraz kyun ho rahi he pagal..'' zainab ne aaiza ko manate howe kaha ''me to mazaq karhi thi... acha ye bata ghar me sub thek he? mamu , mumani , mohsin bhai , mudassir waghera''

"haan yaar sub bilkul maze me'' aaiza ne jawab diya ''or tu suna.. phopho waghera sub kheriyat se hen na??''

''haan yaar sub thek he..'' zainab se ab raha nahi ja raha tha t usne poch hi liya ''acha mudassir so gaya kia??''

''nahi to jaag raha he..'' aaiza ne mudassir ki taraf dekhte howe kaha jawab me mudassir ne bhi uski taraf dekha ''baat karwaon kia teri??''

aaiza ki ye baat sun kar mudassir ne ak baar phir aaiza ki taraf dekha or aaiza ko bhi apni taraf dekhta howa paa kar usay aankho k ishaare se mana kiya k usay baat nahi karni he...

''haan.. karwa de..'' dosri taraf se zainab ne jawab diya wo to wese bhi baat hi mudassir se karna chahti thi

''ye le mudassir zainab ko baat karni he tjhse..'' aaiza ne mobile mudassir ki taraf barhate howe kaha

''nahi mjhe nahi karni baat tu khud kar le..'' mudassir ne inkaar karte hwe kaha

''yaaar wo baat nahi karha'' aaiza ne dobara mobile kaan se lagate howe kaha

''acha chor rehne de...'' zainab ne mayosi se kaha ''acha baat sun... me kal aaongi tmhare ghar pe thek he..???''

''haan aaja yaaar...'' aaiza ne muskurate howe kaha ''is me pochne waali kia baat he???''

''acha.. mumani jaag rahi hen to baat karwa de meri..'' zainab ne kaha

''abhi tera phone aane tak jaag rahi thi..'' zainab ne memoona begum ki taraf dekha or unhe sota howa paa kar kaha ''bilkul abhi abhi soi hen''

''chal koi baat nahi.. me kal aa kar baat kar lungi...'' zainab ne kaha

''chal thek he'' aaiza ne jawab diya

''okay allah haafiz'' zainab ne allah hafiz bol kar call kaat di dosri taraf aaiza ne bhi call kaat di or mobile apne takiye k neeche rakh diya...

''aane ka kia bol rahi thi??'' mudassir jo k itni dair se tajassus me mubtala ho kar betha tha call kat'te hi bol para

''keh rahi thi kal ghar par aaye gi..'' aaiza ne apna dopatta sanbhal kar deewar se take laga kar beth'te howe kaha ''tu mene bol diya aa jaiyo..''

''aacha.... chal thek he tu so ja...'' mudassir ne khare hote howe kaha ''me bhi sone jarha hu''

''okay good night'' aaiza ne lat'te howe kaha

''good night'' mudassir ne kaha or kamre ki light band karta howa bahar aa gaya.. apne kamre me aa kar mudassir ab ye soch raha tha k kal agar zainab aaye gi to kia kahe gi usse..
mudassir k zehen me ajeeb ajeeeb nagative khayalat janam le rahe the.. kahin wo apna aakhri faisla yaani k mudassir ka proposer finaly reject karne to nahi aa rahi ,, yaa phir kahin wo ye sub kuch ammi or abbu ko to nahi bataye gi ,, ya phir kahin usne is baat ka zikar apni mama se to nahi kar diya kyun k wo har baat apni mama se share karti thi laazmi.... inhi socho me gum usay khud bhi nahi pata chala kab usay neend aa gai..

subah 7 baje mudassir ki aankh khuli to sirf uske abbu jaag rahe the or apni sabziyon ko thele par sajane ki taiyari karhe the... wo uth kar kamre se bahar aa gaya

''mudassir.... kia baat he beta itni subah uth gaye..'' khalid sahab ne mudassir ko dekh kar kaha

''ji abbu... kahin jana he kaam se..'' mudassir ne khalid sahab ko muskura kar jawab diya

''kahan jana he bhai..'' khalid sahab neeche beth gaye or zameen par bikhre tamataro me se saaaf saaf tamatar alag karne lage

''abbu dost ghar jana he thora kaam tha..'' mudassir bhi khalid sahab k saamne beth gaya or unki madad karne laga

''thek he beta to ammi ko utha do wo nashta bana dengi...'' khalid sahab ne bete ki taraf se shafqat bhari nazron se dekh kar kaha

''aray nahi abbu... me raste me kar lunga nashta..'' mudassir ne kaha ''aap tension mat len.. or ho sakta wapsi me raat ho jaye mjhe to aap ammi ko bata dena.. or ye bhi bata dena k mobile me charge nahi tha to mobile ghar par hi choor kar gaya hu me..''

''thek he beta.. khayal rakhan bus apne..'' khalid sahab ne kaha or phir apne kaam me masroof ho gaye...

''ji abbu....'' mudassir ne kaha or khara ho kar bathroom ki taraf chala gaya... mudassir taiyar ho kar ghar se nikal gaya.. haqiqat ye thi k usay kahin jana nahi tha bus wo zainab ka saamna karna nahi chaah raha tha kyun k uske zehen ne usay pora yaqin dila diya tha k ho ya na ho par koi na koi tension ki hi baat kare gi wo.. mudassir ka khayal tha k wo andhera hone k baad ghar ponhche ga to zainab ja chuki hogi lekin wo ye nahi janta tha k zainab uske ghar apne weekend guzarne k liye aa rahi thi..

mudassir itni subah ghar se nikal to gaya tha par ab sochne laga k itni subah wo jaye ga kidhar.. achanak usay apne dost ka khayal aaya jo hafta waar bazaaron me mardna kapro ka stall lagaya karta tha uska ghar bhi mudassir k ghar se ak stop k faasle par tha.. mudassir ne usi k ghar jaane ka irada kar liya.. taqriban 10 minute pedal chalene k baad mudassir uske ghar k paas ponhcha to usne dekha k uska dost apne ghar se saaman nikal kar ak suzuki numa rakshay me daalne me masroof he..

jab thora faasla reh gaya to mudassir ne buland aawaaz me kaha ''abay oo ye kia karha he??''

''abay mudassir... tu subah subah yahan..'' usne mudassir ko dekha to apna kaam waam bhool kar mudassir se haath milane k liye aage barh gaya

''haan yaar.. jaldi utha gaya tha aaj to socha aaj ahsan k saath bazaar laga lu..'' mudassir ne uske gale lagte howe kaha

''kia baat karha he yaar...'' ahsan ne khush hte howe kaha ''tu such me mere sath jaane k liye aaya he???''

''abay to kia mazaq karha hu me???'' mudassir ne kaha

''chal na bhai phir yaha kyun khara he... mere saath help karwa..'' ahsan uska haath pakre pakre us rakshay k paas le aaya

''ye kia he bay...???'' mudassir ne us rakshay par haath rakh kar hanste howe pocha

''abay raksha he pagal... 75000 ka mil raha tha mene khareed liya..'' ahsan ne bhi mudassir k mazaq urhane wale andaz ka bura manne k bajaye hanste howe kaha ''yaar is ki waja se kaafi aasani ho jati he maal bazaar laane le jaane me''

''haan yaar dekhne me ajeeb he to kia howa kaam to aa raha he na??'' mudassir ne ak baaar phir mazaq urhate hwe kaha ''wese jo bhi bol yaar cheez tu bari kamaal ki laya he bilkul apni tarah hahahahahahahahaha''

''kameen tu yahan mera mazaq urhane aaya he kia??'' ahsan ne ak zoordaar chamaat mudassir k sar pe maar kar kaha ''chal kaam karwa warna le kar nahi jaon ga tjhe saath me''

''haan haan yaar chaal maal load karte hen tere ajeeb se rakshay me'' mudassir ne kaha or dono rakhshay me maal load karne lage......

                          ***********************

zainab ki universty ki chutti ho gai thi.. zainab universty se nikal kar bahar road pe aa kar rakshay ka intizar karne lagi.. thori dair me zainab ko ak raksha aata dikhayi dia to usne haath k ishaare se usay rukne ka kaha

''ji baaji bolo'' rakshay wale ne bilkul zainab k paas rukte howe kaha

''lalukhet jana he'' zainab ne kaha

''le jaon ga.. 250 rupay de dena..'' rakshay wale na'jayiz kiraya manga

''thek he chalo...'' zainab ne bina kisi bhaao taao k rakshay ki pichli sitt par beth'te howe kaha or rksha aage barh gaya..

taqriban ak baje zainab mudassir k ghar ponhchi.. ghar k paas raksha rukwate howe zainab ne apne bag ki choti jaib se 250 rupay nikale or utarte hi rakshay wale ko de kar darwaze ki taraf barh gai.. rakshay wala kiraya milte hi raksha start kar k aage barh gaya..
darwaze par ponhuch k zainab ne darwaza bajaya thori dair baad andar se aaiza ki aawaz aai ''kon hai??''

''me hu... zainab'' zainab ne bahar se hi jawab diya

''abay tu aa bhi gai...'' aaiza ne darwaza kholte howe kaha ''me to samajh rahi thi tu mazaq karhi he''

''nahi yaar me kyun mazaq karongi...'' zainab ne andar dakhil hote howe kaha ''mjhe tm logo se milne ka dil karha tha to me aa gai.. tjhe to call karne ki bhi tofeeq nahi hoti...'' zainab bolte bolte andar chali jarhi thi or uski aankhon me sirf ak hi shakhs ki talash thi mudassir... lekin saamne hi memoona begum ko dekh kar wo bhagti hoi gai or unke gale lag ''mumaani jaaan''

''aray aray... kia karhi he pagal... giraaye gi kia'' memoona begum itni achanak hone wale is scene me khud par cantrol nahi rakh paain or taqriban gir hi jaati par zainab ne gale lagte hi unhe sanbhal liya

''hahaha... sorry sorry mumani..'' zainab ne hanste howe unse alag hote howe kaha ''aap log to aate nahi ho ab me itne mahine baad milon gi na''

''chal pagal kahin ki... udhar chaarpayi par beth ja'' memoona begum ne zainab k sar pe halki si chapat lagayi or phir aaiza ki taraf dekh kar kaha ''aaiza paani waani pila de isko abhi aai he itni dhoop me''

''waah mumani... aaiza kyun pilaye gi paani??? mera ghar he me khud pi longi..'' zainab ne charpaayi k saamne rakhe fridge ki taraf barhte howe kaha

''haan tu khud hi pi le yahi thek he...'' aaiza ne charpayi k paas aa kar beth'te howe kaha or memoona begum kitchan me chali gai

zainab ne fridge se ak paani ki bottle nikali or phir aaiza ki taraf dekh k pocha... ''glass kahan he???''

''kitchan me... choor na glass yaar aisi pi le'' aaiza ne bharpoor kahili ka muzahera karte howe kaha

''kyun mjhe kia apni tarah samjha howa he tu ne?'' zainab ne kaha or kitchan ki taraf barh gai tabhi kitchan se memoona begum glasss lekar bahar nikli or phir glass or zainab ko apne kamre me le aain.. ''beth jaa idhar...'' usay neeche bitha kar khud bhi uske barabar me beth gai

zainab ne bottle kholi or ak glass pani nikall kar peene lagi..
''aaj kese aa gai tu???" memoona begum ne pocha

zainab ne ak hi saans me pora paani peete howe glass zameen par rakhte howe kaha.. ''bus aise hi mumaani... asal me jumma , hafta or itwaar univrsty me chutti he na to socha mamu k ghar chali jaaon itwar tak..''

''acha kiya bohot...'' memoona begum ne kaha ''me aa rahi thi pichlay hafte par tmhare mamu ki tabiyat kharab ho gai thi''

''koi baat nahi mumani...'' zainab ko is waqt sirf mudassir k baare me jaanna tha kyun abhi tak usay mudassir kahin nazar nahi aaya tha.. bil'aakhir usne poch hi liya ''acha mumani mudassir kahan he??? jab se aai hu nazar nahi aaya mjhe''

''haan beta wo pata nahi kahan gaya he...'' memoona begum k chehre par pareshani k asaar numaya ho gaye ''subah bus tmhare mamu ki bol kar gaya tha k kahin jaana he kaam se raat tak wapas aaonga.. ye larka bhi na bohot la'parwah he''

''mumaani aap tension mat len... ajaye ga wo'' zainab ne memoona begum ki pareshani door karne k liye kaha lekin dar haqiqat wo khud bhi tension me aa gai thi k kahin mudassir koi intihai qadam na utha le.. itne me aaiza bhi aa gai or 3noo baten karne me masroof ho gaye.......

raat k 9 baj chuke the.. khalid sahab bhi thela le kar wapas aa gaye the jabke mohsin ne phone kar k keh diya tha k wo aaj heyderabad jaye ga kaam se to raat me ghar nahi aaye ga lekin sirf mudassir tha jiski ab tak koi khabar nahi thi... memoona begum shadeed tension ka shikar thi jab k us se bhi ziyada tension zainab ko thi jis k zehen me sirf ak hi khayal tha k mudassir ko kuch bhi howa to uski pori zimme daar wahi hogiii..

9:30 baje k qareeb ghar k markazi darwaze par dastak hoi.. koi or darwaza kholne jaye usse pehle hi zainab ne darwaza ki taraf door laga di.. zainab ne kundi khol kar darwaza khola to saamne mudassir khara tha jise dekhe kar zainab ki aankhen be'ikhtiyar num ho gain thi
jab k dosri taraf mudassir intihai herat k saath zainab ka chehra dekh raha tha kyun k uske khayal me zainab ko is waqt tak apne ghar wapas chale jaana tha lekin zainab is waqt uske hi ghar me uske andar aane ka istiqbaal karhi thi.....


READING NEXT PART..
MOHAMMAD KASHAN ANSARI..

O RaY PiYaa...(Valentine Special Episode) Part 3

Lazawal mohabbat ki daastano me se ak daastaan.. mohabbat ak jazba he.. ak aisa jazba jo agar apni BHI....intiha ko pohunch jaye to insaan k liye kuch bhi kar guzarna mushkil nahi hota.. Zidd, zid bhi ak jazba he ak aisa jazba jo agar apni intiha ko pohunch jaye to insaan apni mohabbat ki bhi parwah nahi karta.. or jab insaan in dono jazbaat ko dil me basa kar jee raha ho to aisa bhi kar sakta he...

''kia he???? ab aise kia dekh rahi ho????'' mudassir ne zainab ko ghorne waale andaz me dekh kar kaha

''dekh rahi hu k abhi yahi larka keh raha tha k itna serious matter he khelo mat or ab tmhi mazaq karhe ho yaar'' zainab ne zameen par dekhte howe halki si narazgi zahir karte howe kaha

''tmhe mazaq lag raha he???'' mudassir ne herat se zainab ki taraf dekhte howe kaha or phir idhar udhar dekhte howe udasi or mayosi ki mili juli kefiyat k sath kaha ''yahan me apni zindagi ki sub se zarori baat tm se keh raha hu or tmhe mazaq lag raha he''

''mazaq nahi to kia kahon???'' zainab ne mudassir ki taraf ak nazar dekha or phir manu card ko utha kar usay dekhne lagi ''yahan me tm se mashwara mang rahi thi or tm ho k mjhe mazeed tension me daal rahe ho''

''zainab me tmhe tension dena nahi chahta yaar me such keh raha hu'' mudassir ne zainab ka haath apne haath me lete howe kaha ''tmhe yaqin nahi aa raha na.. thek he batao kis ki kasam kha kar kahon jo tmhe mjh par yaqin aaye''

''yaar aisa kese mumkin he???'' zainab ne apna haath churwate howe kaha ''tmhe papa wese bhi pasand nahi karte hen tmhare kaam na karne ki waja se or agar unhe ye pata laga k me tm se ishq lara rahi hu to wo hum dono ko jaan se maar denge... nahi mudassir aisa mumkin nahi he''

''jaan dene se darti ho yaa ishq larane se'' mudassir ne zainab ko ghoor se dekhte howe kaha ''zainab kaam to mjhe mil jaaye ga tmhare liye me kuch bhi kar lunga buss tm meri ho jaao please'' mudassir ne ak baar phir zainab ka haath pakarte howe kaha

''tm mjhse chote ho mudassir'' zainab ne is baar haath churwane k bajaye apne dosre haath me mojod manu card ko table par rakh k us haath ko bhi mudassir k haatho par rakh kar samjhate howe kaha ''log kia kahen ge socho yaar.. sub mjhe bolen ge k chota larka dekh kar phansa liya''

''matlab tmhe logo ki fikar he meri nahi'' mudassir kuch or kehna chahta tha par waiter ko aata dekh k ruk gaya

''ye lijiye sir'' waiter ne aa kar milk shake or ice cream table par rakhte howe kaha or phir wapas chala gaya

''aisi baat nahi he mudassir mjhe bohot fikar he tmhari'' zainab ne dobara waiter k aane se pehle wali position me aane k liye mudassir ka haath thaamna chaha par is baar mudassir ne apna haath peeche hata liye or phir milk shake ka glass utha kar peene laga ''yaar tm naraz mat ho please me tmhare bhale k liye hi keh rahi hu''

mudassir ne kuch nahi kaha or badastoor milk shake peene me masroof raha ''mudassir tm mjhse chote ho log kia kia kahen ge kesi kesi baaten banaen ge socho na..'' zainab ne dobara apni baat dohraai or mudassir jo k milk shake peete howe musalsal table ko ghoorne me masroof tha uski tawajja apni taraf dilane k liye uski aankho k aage baar baar haath hilate howe kaha ''yaar tm sun bhi rahe ho yaa nahi... kuch to bolo na''

''zainab tm ice cream kha lo phir baat karte hen'' mudassir ne zainab ki taraf dekha or milk shake ka glass table par rakh ki zainab ki tawajja ice cream ki taraf dilate howe kaha

''okay'' zainab ne kaha or ice cream ka cup apne nazdeek kar k khane me masroof ho gai... is dooraan zainab ne kuch bhi nahi kaha or mudassir bhi bilkul aise behave karha tha jese kuch kehna hi na chahta ho

''kha li ice cream.. ab bolo'' zainab ne ice cream ka cup table par rakhte howe kaha

''tmhe mashwar karna tha na mjhse zainab.. mera mashwara ye he k tm apne papa k dost k bete se shaadi kar lo'' mudassir ne bilkul serios ho kar zainab ki taraf dekhte howe kaha or phir apni kursi se khara ho gaya ''mai bahar tmhara wait karha hu'' ye bol kar wo us chote se bina darwaze k cabin se bahar nikal gaya zainab ne usay rokna chaha lekin usne zainab ki koi baat nahi suni or chalta chala gaya

counter par pohunch kar mudassir ne bill pay kiya or phir pourler se bahar nikal gaya.. zainab ab tak cabin me hi bethi thi or soch rahi thi k usne yaqinan mudassir ka dil dukhaya he. zainab is waqt bohot bura feel karhi thi or isi soch me wo bhi khari ho gai or bahar aa gai.. mudassir bahar bike pe betha uska wait karha tha zainab ko bahar aata dekh kar usne kick maari or bike start kar di.. zainab aa kar bina kuch kahe peeche beth gai..

pora safar ak ajeeb khamoshi k saath kat gaya na mudassir ne kuch kaha or na zainab ne.. apne ghar ka stop qareeb aata dekh kar zainab ne kaha ''bus yahin chowk pe rok do gaari''

''ab tmhara ghar he hi kitni door...? ghar tak hi le jata hu..'' mudassir ne kaha

''nahi bus chowk pe rok do'' zainab ne kaha is baar mudassir ne koi jawab nahi diya or chowk par gaari rok di.. zainab utar gai or mudassir k saamne aa kar khari ho gai mudassir ne bina kuch kahe ak nazar hasrat se zainab ko dekha or phir zainab se bina kuch kahe bike aage barha di.. zainab shayad kuch kehna chahti thi par kia kehna chahti thi shayad usay khud bhi nahi pata tha..

ghar pohunch kar mudassir apne kamre me aa gaya or beth kar fizaa me dekh kar sochne laga.. mudassir soch raha tha k agar zainab ne such me us rishte k liye haan bol diya to yaqinan mudassir k liye zinda rehna mumkin nahi hoga kyun ki zainab ka naam liye bina to uska koi bhi kaam nahi hota he.. uske mobile me zainab ki beshumar tasweeren mojod thi jise usne apne ghar walo se or dosre logo se chupane k liye passwor laga kar save kar rakha tha.. deewangi ki intiha ye thi k rozana raat ko zainab ki koi na koi tasweer mobile me dekh kar tasaowur me hi us se baaten karta tha , usay chomta tha..

ab mudassir bohot ziyada tension me tha kyun k narazgi dikhane k liye usne zainab se kaha tha k wo papa k dost k bete se shadi k liye haan kar de or aisa usne is liye kaha tha k zainab uski narazgi ko bhaanpte howe usay manane ki koshish zaror kare gi lekin ab wo soch raha tha k zainab ne agar usay manane k bajaye such me shaadi k liye haan kar di to phir mudassir ka kis hoga yahi sochte howe uski dono aankhe bhar aain.. mudasir aas paas ki duniya se bekhabar buss apne khayalon me gum tha..

''kia howa beta???'' memoona begum ne mudassir ko kandhe se hilate howe kaha

mudassir ak dum se apne khayalon ki duniya se bahar aa gaya or apni ammi ko paas betha howa paaya.. memoona begum ne phir pocha ''kia howa beta???.. roo kyun raha he?''

ammi ki baat sun kar mudassir ko ahsaas howa k uski aankhe pori tarah se bheeg chuki hen usne apne haatho se aanso saaf kiye or thora sa muskurate howe apni ammi ki taraf dekhte howe kaha ''kuch nahi ammi aaj jaldi uth gaya tha na to baar baar ankho me paani aa raha he thakan ki waja se''

''aray mera bacha.. '' memoona begum ne piyar se uske gaal pe haath pherte howe kaha ''acha ye bata interview kesa raha tera???''

''kuch khaas nahi ammi...'' mudassir ne ghoom kar apna sar memoona begum ki good me rakh kar kaha ''officer rishwat khoor nikla mjhse pese maang raha tha nokri dene k liye''

''achaa... phirr kia howa beta???'' memoona begum ne uske baalon me haath pherte howe kaha

''kuch nahi howa ammi.. ab me 100000 rupay kahan se laata bus isi liye chor k aa gaya nokri'' mudassir ne aankhe band karte howe kaha

''acha chal chor... tu ak kaam kar haath mu dho le me tere liye khana le kar aati hu..'' memoona begum ne uthna chaha par mudassir ne unka haath pakar kar rook liya.. ''betho na ammi.. mjhe khaana nahi khana bus mjhe sona he wo bhi tmhari good me. bus mjhe sone do''

''okay mera bacha sojaa..'' memoona begum deewar se take laga kar beth gai or dheere dheere mudassir ka sar dabane lagi or dekhte hi dekhte mudassir neend ki gehri waadiyon me chala gaya.. ab tak usay jo bhi tension thi wo sub maa ki good me sar rakhne k baad ak lamhe me khatam ho gai thi or mudassir ab pori tarah so gaya tha or uske chehre ka itminan saaf saaf gawahi de raha tha k usay is waqt kisi bhi baat ki koi fikar , koi ghum nahi he..

or yaqinan maa wo azeem hasti he jiski aaghosh me hi bacha zindagi ki pehli pursukoon neend se hum'aashna hota he or umar k aakhir hisse tak sir maa ki good hi wo wahid jaga hoti he jahan insan sub se ziyada be'fikar or be'khabar reh kar bhi hifazat me rehta he...

***************************************************************

zianab apne ghar aa gai thi... ghar aa kar zainab ne sub se pehle apni mama ko salam kiya or apne paas rakhe takhat k upar beth kar joote utaarne lagi

''beta aaj kaafi dair ho gai tmhe aane me?'' aayesha begum ne jo k is waqt apne ghar k sehen ko paani se dhoo rahi thi unho ne wiper se farsh ka paani saaf karte howe kaha

''haan ammi.. wo meri ak dost he wahin rehti he universty k paas.. wo zabardast apne saath ghar le gai thi'' zainab ne apne joote utha kar stand par rakhte howe kaha

''to beta inform to kar dena chahiye pata he kitni tension ho jati he'' aayesha begum ne kamar par haath rakh kar zainab ki taraf dekhte howe kaha

zainab apni mama k paas aai pehle apne kaan pakre phir apne dono haath unke gale me daal kar taqreeban jhoolte howe kaha ''i m sorry mama next time bata dongi aisa kuch howa to''

aayesha bagum zainab k is tarah lipatne se ak dum larkhara gain thi ''hat paagal kia karhi he? giraaye gi kia..? thek he next time bata dena.. ab choor mjhe farsh dhoona he''

''okay mama..'' zainab ne aayesha begum k gaal par ak kiss ki or phir bhaagti hoi kamre ki taraf chali gai

''pagal he bilkul....'' aayesha begum ne zainab ko dekh kar apne aap se hi kaha or phir farsh dhoone me masroof ho gain..

zainab apne kamre me aai or apna bag bed pe rakh kar khud bhi kisi bejaan imarat ki tarah bed par gir gai.. uske zehen me ab bhi wahi baaten ghoom rahi thi.. shayad is waqt mudassir ko itni tension nahi thi jitni tension zainab ko ho rahi thi.. zainab mudassir ko achi tarah jaanti thi jazbaat me aa kar wo kuch bhi kar guzarne ki himmat kar sakta he is liye wo ziyada pareshan thi k kahin wo khud ko koi nuqsaan na ponhcha le.. jab k dosri taraf wo apne aap me hi mudassir k qareeb hoti jarhi thi kyun k zindagi me aaj tak usne mudassir k sath jo bhi waqt guzara tha wo bohot khush gawar guzraa tha or wo jaanti thi k mudassir joless he or wo sirf wahi kaam karna chaahta he jo sahafat se jura ho lekin usay ye bhi yaqin tha k wo mudassir ko jo bhi kaam karne ko kahe gi wo kar lega..

dosri taraf uske papa the jin ke dost ne apne bete k liye zainab ka rishta manga tha.. unke dost k ak lawyer the sindh high court me government lawyer.. unka beta jo k next year docter banne wala tha.. zainab k papa ko is rishte par koi aitraz nahi tha lekin unhne khud koi faisla karne k bajaye is baat ka poora haq zainab ko de diya tha or unhone zainab se kaha tha k unhe yaqin he k zainab jo bhi faisla kare gi usse unka sar nahi jhuke ga.. yahi soch soch kar zainab ajeeb kashmakash me mubtala ho gai thi..... wo mudassir k qareeb jaati to papa ko rishte se inkaar ka kehna parta jis ka koi bhi jawaz uske paas mojod na tha.. or agar rishte k liye haan karti to mudassir...................

kaafi dair soch lene k baad zainab k chehre par muskurahat numaya hoi or usne tv ka remote utha kar tv on kar liya....

***************************************************

taqriban shaam 5 baje mudassir ki aankh khuli.. usne mobile utha kar dekha to zainab ki 18 missed calls or 130 msgs aaye howe the jin me sir sorry likha howa tha.. mudassir ajeeb herat me mubtala ho gaya k achanak zainab ko kia ho gaya lekin usne koi jawab dene k bajaye apna mobile switched off kar diya.. or bahar sehen me aa gaya jahan uske abbu charpaayi par bethe the.. ''assalam o alaikum abbu'' mudassir salam karte howa apne abbu k paas chaarpaayi par beth gaya..

''wa'alaikum assalam beta kahan ghayab ho tm aaj??'' khalid sahab ne bete k salam ka jawab muskurate howe de kar kaha

''kahin nahi abbu bus aaj interview k liye gaya tha..'' mudassir ne jawab diya

''acha.... phir kesa raha interview???'' khalid sahab ne pocha

''abbu wo rishwat maang raha tha 1 laakh rupay'' mudassir ne kaha

''beta nokri milna itna asaan nahi hota.. agar nokri chahiye to pehle officer ki muthi garam karna parti he'' khalid sahab ne kaha

''aisi nokri ka bhi kia faida abbu jo khareedni pare.. or jahan me jurm k khilaf bolne k liye jana chahta hu us jaga ko hi jurm kar k hasil karna pare aisi nokri se to acha he jobless hi rahon'' mudassir ne apne khayalat bayan karte howe kaha itne me aaiza ne khana la kar mudassir or khalid sahab k beech me rakh kar kaha ''ooo quiad e azam bore mat karo khana khao...''

''tu to aisi bole gi na tera mangetar jo police me he..'' mudassir ne aaiza k tanz ka jawab tanz se dete howe kaha ''wahan to jitna marzi haram khao koi pochne wala nahi hota''

''haram hi sahi par kamata to he'' aaiza ne mudassir par ak or tanz ka teer chala diya

''ammi dekho ye kia bol rahi he yaar..'' mudassir ko aaiza ki ye baat kaafi nagawar guzri thi usne memoona begum se aaiza ki shikayat karte howe kaha

''aray beta mazaq karhi he..'' memoona begum jo k kitchan me thi unhone wahi darwaze se jhank kar kaha ''or tu ne bhi to uske mangetar ko bola na bus hisab barabar''

aaiza door khari bina aawaz k hans rahi thi jise dekh kar mudassir ko mazeed ghussa aa gaya par usne kuch karne k bajaye aaiza par bina tawajja diye khaane par tawajja markooz kar di

khalid sahab bilkul khamosh bethe khana kha the kyun k unhe pata tha k ye in dono bhai behen ki rooz ki nook jhook he lekin thori dair me dono thek bhi ho jate hen..

taqriban raat dus baje raat k khane ka dor chala jis me khalid sahab ki pori family mojod thi.. khana khaate khaate mohsin ne mudassir se mukhatib ho kar kaha ''mudassir interview kesa raha tera?''

''hamesha ki tarah nakaam'' mudassir k bajaye aaiza ne jawab diya

''kia matlab....? aaaj bhi baat ahi bani???'' mohsin ne aaiza ko dekha phir mudassir ki taraf dekhne laga

mudassir ne qatil nazro se aaiza ko dekha to aaiza ne nazren chura kar khana khana shuru kar diya ''matlab bhai baat to ban gai thi or mere documents dekhne k baad nokri bhi mil gai thi par akhir me officer kehne laga 1 lakh rupay dena honge nokri k''

''to kia kiya tu ne???'' mohsin ne pocha

''mene mana kar diya bhai'' mudassir ne jawab diya

''pagal mjhe to batata... me arrenge kar deta pese kahin se bhi.'' mohsin ne niwala mu me rakhte howe kaha ''ak kaam kar abhi me tjhe kahin se bhi pese kar k deta hu kal jana wapas de dena pese usko''

''par bhai ab nahi dega wo mjhe nokri'' mudassir ne nazren churat howe jawab diya

''kyun nahi dega yaar???'' mohsin ne pocha

''bhai usne rishwat mangi to me usay kaafi bura bhala bool k aaya tha usne ghusse se mjhe bahar nikala tha'' mudassir ne atakte atakte apni baat mukammal ki

''ajeeb he bhaai tu...'' mohsin ne tang aane wale andaz me kaha

''mujse kehta he k mera jehez kar k dega meri shadi par'' aaiza ne mudassir ko dekhte howe kaha ''nokri nahi kare ga to jehez kia mjhe to shadi par ak chota sa gift bhi nahi de sakta tu''

''aaiza chup ho jao...'' memoona begum ne aaiza ko chup hone ka kaha

''usay kyun chup karwa rahi ho ammi sahi to keh rahi he wo'' mohsin ne apni ammi se kaha or phir mudassir ki taraf dekh kar kaha ''ye pata nahi kab samjhe ga apni zimedariyon ko''

''chup ho jao sub chup ak dum..'' khalid sahab ne chillate howe kaha ''aisi parwarish ki thi mene tm logo ki??'' khalid sahab ne baari baari aaiza or mohsin ko ghorte howe kaha ''agar usay nokri nahi mil rahi to is me uski kia ghalti he... wo imaandari se jeena chahta he is me uska qusoor he???"

''jaante ho shadi se pehle 4 saal mene khuwar kiye the nokri ke peeche.. koi nokri dena nahi chahta tha.. jo deta tha wo pese mangta tha.. mere ghar wale sirf tanz karte the mujh pe sirf tanz lekin me kuch nahi kar sakta tha kyun k majboor tha me or un logo k tanz ki waja se me bhaag gaya tha ghar se or yahan pakistan aa gaya tha.. yahan mili mujhe nokri or aisi nokri mili thi jis ki wja se aaj tm itni bari dukaan kar k bethe ho'' khalid sahab ne mohsin ki taraf mukhatib ho kar kaha ''agar us waqt mjhe mere ghar wale support karte to aaj mjhe apne ghar walon se alag hone ki zarorat nahi parti...''

''sorry abbu... par mera wo matlab nahi tha..'' mohsin ne maafi mangte howe kaha ''par abbu iski bhi to ajeeb zid he na agar job kare ga to sahafat ki warna nahi... kitni hi jobz aain par is ne mana kar di''

''thek he bhai khatam kar deta hu apni zid ab jo nokri aap kaho ge kar lunga..'' mudassir ne mohsin ki taraf dekhte howe kaha

''tu khana khana shuru kar...'' mohsin ne mudassir k haath pe hath rakhte howe kaha ''dekh bhai tu meri jaan he par me darta hu k meri shadi k baad agar meri biwi ne mjhe alag kar liya to tm logo ka kia hoga.. isi liye dabao deta hu k tu kisi qabil ho jaye..''

''ji bhai me samajh sakta hu.. aap mere liye ainda jesi bhi nokri laao me kar lunga ab'' mudassir ne khaane ka pehle niwala mu me rakhte howe kaha

''nokri he mere pass..'' mohsin ne kaha ''gulshan me ak supar market he wahan par zarorat he larko ki.. or mera ak dost he wahan par usi ne mjhe kaha tha k mudassir ko bhej do yahan ak mahina kam karne k baad me usay comatics depart ka incharge banwa dunga''

''thek he bhai baat kar lo aap me chala jaon ga kal'' mudassir ne kaha

''kal to mall band hoga.. me usay bol dunga parso tu aaye ga thek he???'' mohsin ne kaha

mudassir ne kuch socha or phir bhai ki taraf muskurat kar dekh k kaha ''okay bhai''

READING NEXT PART...

MOHAMMAD KASHAN ANSARI...............