Lazawal mohabbat ki daastano me se ak daastaan.. mohabbat ak jazba he.. ak aisa jazba jo agar apni BHI....intiha ko pohunch jaye to insaan k liye kuch bhi kar guzarna mushkil nahi hota.. Zidd, zid bhi ak jazba he ak aisa jazba jo agar apni intiha ko pohunch jaye to insaan apni mohabbat ki bhi parwah nahi karta.. or jab insaan in dono jazbaat ko dil me basa kar jee raha ho to aisa bhi kar sakta he...
KESA??? Ye to aap ko is kahani k parhne k baad hi pata chalay ga.. parhiye purjoosh mohabbat or junoon ki had tak chooti zidd me doobi ak larki ki daastan jo apne piyaar ko paane k liye kuch bhi kar sakti thi.. KUCH BHII...
Mudassir taqriban 10:55 pe akhbaar k daftar pohncha.. paas me ak hair dresser ki dukan thi wahan ja kar usne khud ko sheeshe me dekha or phir mutma'in ho kar bahar aa gaya.. ab wo akhbaar k daftar ki building k bahar khara tha , ye koi 4 manzila imaarat thi.. usne andar jane ki koshish ki par gate pe khare guard ne usay rok liya..
''kia baat he bhai kahan jarhe ho??" guard ne sar se pair tak mudassir ka jaiza lete howe kaha
''interview k liye aaya hu bhai'' mudassir ne jawab diya
guard ne uski talashi li or ak baar phir usay sar se pair tak dekhte howe kaha ''thek he jao andar''
ab mudassir building k andar aa gaya tha lekin usay nahi pata tha k usay interview k liye kahan jana hoga.. usne apna mobile nikal kar time dekha to 10 baj chuke the jis bande ne usay yahan interview k liye bheja tha usne wazeh toor par kaha tha k 10 baje se pehle wahan pohnch jana warna rash bohot barh jaye ga or shayad tmhe interview ka time na mil sake, mudassir k chehre par pareshani k aasaar numayan hone lage lekin phir uske qadam saamne bane howe ak counter ki janib chal diye..
''excuse me.. kia aap bata sakte hen reporter k interview k liye kidhar jana hoga'' mudassir ne counter par pohnch kar counter par bethe shakhs ko mukhatib kar k kaha
counter par mojod shakhs ne pehle mudassir ka ak nazar jaiza liya phir chehre par muskurahat saja kar pocha ''sir yahan par 3 jaga par interviews liye jarhe hen aapko kis k paas jana he?? mjhe zara aap officer ka naam bataiye please''
''hmmm officer ka naam to mjhe nahi pata'' mudassir ne kuch soch k kaha ''actually mjhe kaha gaya tha k wahan counter pe poch lena news reporter k liye interviews kaha ho rahe hen to wo aap ko bata denge''
''matlab aap news reporter k interview k liye aaye hen??" usne muskurate howe pocha
''ji.. aap bata sakte hen kidhar jana hoga mjhe??'' mudassir ne pocha
''sir aap idhar left side par jaen aage lift aaye gi usse aap 4th floor pe chale jaiye ga.. saamne hi aapko interview k liye aane wale log bethe howe nazar aa jaen ge'' usne counter table se uth kar ak taraf ishara karte howe kaha
''okay thank you coprate karne k liye'' mudassir ne muskurate howe usse hath milaya
''koi baat nahi sir.. hum to yahan aap logo ki rehnumayi k liye hi bethe hen'' usne bhi muskura kar jawab diya
''okay.. to me jata hu opar..'' mudassir ne kaha to usne jawab me ak pheeki si muskurahat di or mudasssir aage barh gaya.. left side par thori door ja kar mudassir ko right side ppar ak lift nazar aai to usne aage barh k lift ka buttan daba diya.. thori dair me hi lift neeche aa gai or darwaza khulte hi mudassir andar chala gaya or 4th floor k liye makhsooos buttan ko daba diya.. chand hi seconde me lift apni manzil par pohnch gai or darwaza khulte hi mudassir bahar aa gaya.. usne saamne dekha to uski aankhe bahar aa gain.. saamne ak bohot lambi line lagi hoi thi mudassir ne aage barh kar line me sub se peeche khare ak shakhs ko mukhatib kar k pocha ''bhai ye itni lambi line kyun lagi he??''
''bhai sub interview k liye khare hen or jisne interview lena he wo abhi tak aaya nahi he'' us shakhs ne jawab diya
ab mudassir ko uski baat yaad aane lagi jis ne usay interview k liye yahan bheja tha, usne wazeh toor par taqeed ki thi k 10 baje interview shuru ho ge lekin wahan 10 baje se pehle hi pohnchna balke ho sake to 8 baje ja kar hi wahan beth jana lekin mudassir ne uski baat ko itna attention nahi di thi or ab usay lag raha tha k shayad wo aaj interview de bhi nahi paaye ga or time khatam ho jaye ga.. khair marta kya na karta, wo bhi baaqi logo ki tarah line me khara ho gaya
taqreeban 11 baje interview lene wala officer aaya or interviews ka aaghaz howa par herat ki baat thi k wo kaafi tezi se interview le raha tha.. line me taqriban 30 se 35 afraad the or usne ak ghante se bhi kam time me sub ko faarigh kar diya tha.. agla number mudassir ka tha or ab mudassir k peeche bhi taqreeban 10 , 12 log aa chuke the.. mudassir se pehle andar jane wala shakhs bahar nikla or kisi se kuch bhi kahe bina sar jhuka kar chala gaya, ab mudassir ki baari thi.. interview lene wale officer k cabin k gate k bahar hi ak aadmi khara tha jo ak ak kar k logo ko interview k liye andar bhej raha tha usne mudassir ko ak nazar dekha or phir usay andar jane ka green signal de diya..
mudassir andar pohncha to wo officer chai peene me masroof tha.. usne mudassir ko dekhe bina hi haath se apni table ki agli kursiyon par bethne ka ishara kiya to mudassir ne apne gale me latke ak chote se bag ko sanbhala or kursi par beth gaya
''reporting ka shoq rakhte ho??" officer ne abhi bhi mudassir ki janib nahi dekha or apna laptop chalate howe kaha
''ji sir.. bachpan se hi mjhe shoq he k bara ho kar sahafi bano ga'' mudassir ne respectble muskurahat k saath jawab diya
''koi dgree he tmhare paas??'' officer abhi bhi apne laptop me hi masroof tha
''ji sir.. m.a kiya he mene or sath me mass comunication bhi kiya howa he'' mudassir ne bolte bolte apne us chote se bag ko khola or 5th class se lekar m.a tak k sub documents uski taraf barhate howe kaha
officer ne sub documents pakre or ak ak kar k dekhne laga or phir pehli baar mudassir ko ak nazar dekha or dobara documents par nazren jama di.. achi taarah dekh lene k baad usne documents table par rakhe or pori tarah se mudassir ki taraf mukhatib hote howe kaha ''hmmm.. tm bohot qabil lagte ho or aaj tm pehle shakhs ho jo itne sare or valid documents k saath aaye ho''
''ji sir....'' mudassir ne sar jhuka kar muskurate howe kaha
''thek he me tmhe is nokri k liye final karta hu'' officer ne faisla kun lehje me kaha
''lekin sar aap ne mjhse kuch bhi nahi pocha sir mere documents hi dekhen he'' pata nahi kyun mudassir k mu se ye baat nikal gai
''hahahaha.. barkhurdaar 30 saal ka tajurba he mjhe.. insaan ki shakal dekh k pata kar lete hen k wo kaam k qabil he ya nahi or phir tmhare to sare documents bhi orignal hen'' usne hanste howe kaha
''oohhh thank you so much sir me aap ka ye ahsaan kabhi nahi bholo ga'' mudassir ne tashakkur aamez lehje me kaha
''koi baat nahi beta hamara to yahi kaam he'' officer ne muskurate howe jawab diya
''okay sir to me kab se join karon.. and mjhe kis kaam k liye aap ne final kiya he??'' mudassir ne apni job ki information jaani chahi
''bus kal tm 150000 rupay mjhe la kar de do or kal se hi join kar lo.. kaam j tm chaho ge tmhe mil jaye ga'' officer ne pheeki si muskurahat k saath kaha
''150000....??? kis liye sir???'' mudassir ki khushi ak dum tension me muntaqil ho gai
''beta formalities hen yahan ki'' usne dobara laptop me masroof ho kar kaha
''lekin sir jis ne mjhe yahan bheja usne to nahi bataya tha k aisa bhi kuch hoga'' mudassir ne intihai naram lehje me kaha
''kuch baaten aisi hoti hen jo raaz me rakhni parti hen or ye bhi aisi hi baat he'' officer badastoor laptop me masroof raha
''saaf saaf kahiye na sir k ye pese aapko apni jaib garam karne k liye chahiye'' mudassir ne officer par gehri nazar daalte howe kaha
officer ne laptop se nazar hata kar bari qaatil nazron se mudassir ki taraf dekha or ghusse se kaha ''kiya matlab he tmhara???''
''mera matlab ye he sir k aap jese log is mulk k liye us deemak jesa kaam karte ho jo bazahir is tarah lipat jati he jese wo lakri se bohot ziyada piyar karti he lekin dar-haqiqat wo andar hi andar us lakri ko khokhal karhi hoti he'' mudassir ne officer par nazren garhate howe kaha
''haan t is me ghalat kia he beta??? saara pakistan yahi karha he'' officer ne khabasat k saath muskurate howe kaha ''or is nokri k liye 150000 koi bari raqam nahi he''
''muaafi chahta hu janab par mene reporter banne ka khayal apne mulk me aap jese ghaleez logo lagam dene k liye apne dil me paala tha.. or ye nokri rishwat k zariye khareed kar me khud is ghalazat ka hissa banna nahi chahta'' mudassir ne apne documents utha kar khare hote howe kaha or kursi peeche kar k bahar ki taraf aane laga
''sunoo......'' officer ne mudassir ko aawaz de kar roka or phir apni kursi se uth kar mudassir k paas aa gaya or apna ak haath mudassir k kandhe par rakhte howe bola ''agar tm chaho to 100000 me bhi baat ban sakti he''
''agar ab ye nokri aap mjhe free me bhi den to me isay qubool nahi karon ga kyun me aap ko hi reject kar chuka hu.. me aise insaan k neeche kaam nahi kar sakta jo apne mulk k liye ak gandi naali k keere se barh kar koi hesiyat nahi rakhta'' mudassir ne ak jhatke se uska haath apne kandhe se jhatakte howe kaha
''hayyyy....'' officer ne ghusse se pagal hote howe mudassir ko maarne k liye apna haath uthaya lekin phir ruk gaya ''abhi k abhi yahan se dafa ho jaon warna aise case me phansaon ga k 20 saal k liye andar jao ge''
''hahaha.. agar such k khatir mjhe apni jaan bhi deni pare to koi ghum nahi phir chand saal qaid me rehna konsi bari baat he'' mudassir ne hanste howe aage barh kar uski aankho me aankhen daal di ''lekin aapka asal chahra me duniya k saamne laa kar rahon ga..'' mudassir ne kaha or officer ka jawab sune bina hi bahar aa gaya.. mudassir ab building se bahar aagaya tha wo bike pe betha or phir apna mobile nikal k time dekha.. 12 baj gaye the usne kick maari or bohot tezi se aage barh gaya jese usay kahin zaroori kaam se jaana ho..
mudassir ab karachi universty k bahar khara kisi ka intizar karha tha.. taqriban 15 minute k baad zainab universty k gate se apni kuch saheliyon k saath bahar nikli.. mudassir ne usay bahar aata dekh liya or ittifaq se zainab ki nazar bhi us par parh gai.. zainab ne usay dekha to taqriban bhagte howe uski taraf aai..
''mudassir... tm yahan kese?? how surprised yaar'' usne uski taraf aate aate kaha or phir uske saamne aa kar khari ho gai
''hmmm.. interview k liye gaya tha socha tmhari chutti ka time he to tmhe pick kar lon'' mudassir ne muskarate howa kaha
''oohh nice yaar bohot acha kiya'' zainab ne hanste howe jawab diya or phir masnooyi narazgi k saath kaha ''mjhe raat me tm se mashwara karna tha or tm bina bataye hi so gaye''
''haann yaar sorry.. actually mjhe khud bhi pata nahi chala kab neend aa gai'' mudassir ne narazgi door karte howe kaha
''koi baat nahi.. or batao kesa raha interview???" zainab ne ak hi jumle me narazgi khatam kar di
''kuch khaas nahi yaar.. officer rishwat khoor tha mjhse nokri k liye pese mangne laga to me chor k agaya'' mudassir ne halke se ghusse wale mizaj me kaha
''oohh.. kia ho gaya he hamare logo ko??? peso k baghair to kisi ko chain hi nahi he.. wo najaiz pesa hunhhh.. merra bus chale to ak ak ko pakar kar phansi pe latka du'' zainab ne bhi pakistan k sare currpt logo par ghusa nikal diya
''hmmm..'' mudassir ne uski haan me haan milate howe kaha ''acha zainab mjhe tm se kuch baat karni he kia tm mjhe apna ak ghanta dogi???"
''aisa kyun keh rahe howe yaar tm mere cousin ho balke cousin se barh kar dost ho'' zainab ne aage barh kar mudassir k kandhe par halki si thapki maarte howe kaha ''bolo kia baat karni he??"
''yahan nahi yaar.. kahin bethe k baat karte hen'' mudassir ne kaha or phir kuch soch k bola ''zainab yahi qareeb me ak ice cream pourler he wahan chalen kia??"
''kyun nahi yaar.. lekin ice cream tm khilao ge'' zainab ne hanste howe kaha
''okay yaar kha lena tm se barh kar he kia'' mudassir ne bike par bethte howe kaha ''chalo beth jao peeche''
zainab peeche bethi or mudassir ne bike aage barha di.. ice cream pourler pohnche to wahan alag alag family cabin bane the.. wo dono bhi ak family cabin me beth gaye..
''ab batao kia baat karni he tmhe??" zainab ne bethte howe kaha
''kal tm rishte ka kuch bata rahi thi wahi pochna tha mjhe'' mudassir ne zainab ki taraf dekhte howe kaha
''oo haan yaar.. pata he papa dost ne apne bete k liye mera rishta manga he..'' zainab ne aage barh kar tajassus k sath kaha
''hmmm.. to phopha ne kia kaha???" mudassir ne pocha
''papa kia kahen ge.. unko to koi aitraz nahi he is rishte par lekin unhone mjhse kaha he k tm jo faisla karo gi me wahi karonga'' zainab ne table par rakhe manu card ka sarsari jaiza lete howe kaha
''to phir tm ne kia faisla kiya yaar??" mudassir ne us se manu card le kar table par wapas rakhte howe kaha
''yaar wo papa k kaafi purane dost hen.. or unke bete ko bhi mene dekha he kaafi good looking or smart he or m.b.b.s k finals me he'' zainab ne bolte bolte ak baar phir manu card utha liya ''me soch rahi hu mana karongi to papa ki dosti kharab ho sakte he''
''matlab tmhe rishta manzoor he??" mudassir ne ak baar phir manu card zainab se lete howe table pe rakh diya ''isko to rakh do yaar.. itna serious matter chal raha he or tm khelne me lagi ho''
''achaa ji.. matter mere liye serious he or me phir bhi khel rahi hu or tm jo k sirf matter me intrested ho tmhe itni fikar kyun hu'' zainab ne kursi se thora uthte howe aage barh k mudassir ki aankho me jhankte howe kaha
''bus he mjhe fikar....'' mudassir ne aankhe churate howe kaha ''tm batao kia faisla kiya tm ne?? kia tmhe rishta manzoor he??''
''hmmm.. mama karne ka koi jawaz bhi to nahi he na yaar..'' zainab ne sochte sochte kaha ''larka bhi bohot acha he''
zainab k alfaaz ne mudassir par bijliyan gira di par usne sanbhal kar kaha ''acha socho agar koi tm se khamosh mohabbat karta ho to kia tm uska dil bhi tor dogi rishte ko haan bol kar???"
''hahaha ab aisa kon he jo mjhse khamosh mohabbat kare ga???'' zainab ne hanste howe kaha
''zainab ho sakta he yaar tm jawab d bus..'' mudassir ne usse apni baat ka jawab manga
''mudassir thats not reality yaar..'' zainab ne serious hote howe kaha ''agar aisa he to wo saamne kyun nahi aata??? ab me to nahi jaanti na k kis k dil me mere liye kia chupa he''
''sir order please..'' ak waiter ne aa kar dono ki baat me taang arra di
zainab ne manu card se apne liye ak ice cream order ki oor mudassir ne apne liye banana milk shake order kiya.. order lekar waiter wapas chala gaya..
''zainab agar abhi koi tmhe aa kar propose kar de to kia karo gi???" mudassir ne uski aankhon me jhank kar uske dil ka haal jaanne ki koshish ki
''hmmm.. ye to usi par depand kare ga.. or mumkin he me uska proposer reject kar donga.. bcoz papa ki dosti ziyada zarori he'' zainab ne faisla kun lehje me kaha
zainab ka jawab mudassir se bardasht nahi howa or usne dil ki bharas nikalne ka faisla kar liya.. ''papa ki dosti tmhe mjhse bhi aham he???"
''kia matlab.....????'' zainab ne ak dum serious ho kar mudasssir ko dekha
''zainab i am in love yaar..'' mudassir ne zainab ka haath apne haaath me lete howe kaha ''me tmhare baghair nahi ji sakta zainab i love you''
mudassir ki baat sun kar zainab apni kursi se khari ho gai or mudassir ko gehri nazron se dekhne lagi......
Aage Kia Howa Parhiye Next Part Me..
READING NEXT PART..
MOHAMMAD KASHAN ANSARI...
No comments:
Post a Comment