بانگِ درا

                                 بانگِ درا (علامہ محمد اقبالؒ)

                       چین  و  عرب    ہمارا،   یہ    پاکستان   ہمارا
                       مسلم  ہے،  ہم  وطن  ہے  سارا  جہاں   ہمارا

                                                 توحید  کی   امانت   سینوں  میں  ہے  ہمارے
                                                 آساں    نہیں     مٹانا    نام   و   نشاں    ہمارا

                       دنیا کے  بت کدوں  میں پہلا  وہ گھر  خدا کا
                       ہم  اس  کے   پاسباں   ہیں  وہ  پاسباں  ہمارا

                                                 تیغوں کے سائے میں ہم پل کر جواں ہوئے ہیں
                                                 خنجر   ہلال   کا   ہے   قومی    نشاں   ہمارا
     
                       مغرب  کی  وادیوں میں  گونجی  اذاں ہماری
                       تھمتا  نہ  تھا  کسی  سے   سیلِ رواں   ہمارا

                                                  اے   گلستانِ  اندلس  وہ  دن   ہے   یاد   تجھکو
                                                  تھا    تیری   ڈالیوں   میں   جب   آشیاں   ہمارا

                       اے  موجِ دجلہ  تو  بھی  پہچانتی  ہے ہم کو
                       اب تک  ہے  تیرا  دریا  افسانہ خواں  ہمارا
           
                                                   باطل  سے  دبنے  والے  اے  آسماں  نہیں ہم
                                                   سو  بار  کر   چکا   ہے   تو   امتحاں   ہمارا

                      اے  ارضِ پاک  تیری حرمت پہ کٹ مرے ہم
                      ہے خوں تیری رگوں میں اب تک رواں ہمارا

                                                    سالارِ   کارواں     ہے      میرِ   حجازؐ    اپنا
                                                    اس  نام  سے   ہے   باقی   آرامِ  جاں   ہمارا

                     اقبالؔ    کا   ترانہ    بانگِ  درا    ہے    گویا
                     ہوتا    ہے  جادہ  پیماں  پھر  کارواں   ہمارا

                                                                      (محمد کاشان انصاری)